برودكاست حزينه جدا

في كل ليله لك من انفاسي نصيب /
وفي كل ساعه .. والمشاعر عانيه ،
ما قول حتى بالثواني ما تغيب /
طيفك معي حتى .. بجزء الثانيه

———–

يا أجمل من الجو وآحشني شذا طيبك /
متى كفوفك تعانق لهفة كفوفي ،
ياتي بك الغيم والنسناس ياتي بك /
ما عاد باقي سوى تمطر على جوفي

——

ما فيه احد ما وده بقلب” سعيد /
لذا عن اوطان التُقى لا تغترب ،
اليا شعرت انك من الراحه بعيد /
الله تعالى قال : ( واسجد واقترب )

———-

• مدري لمحت الشوق في طرف عينك /
ولا ايتهيالي .. وانا كنت مشتاق •

——

حزين والحزن يجبرني على الخلوه /
واذا يهمك وجيت تقول وش فيني ؟
انا بحاجه لـ شوف عيونك الحلوه /
هي والله دواي ، ما ودك تداويني ؟

——

انا تعبت من السهر والسهر ويل /
قدلي على ذا الحال اربع ليالي ،
يا من يبادلني عيونه ولو ليل /
واهدي له عيوني ويسهر بدالي

————

المساء بحضرتك يبري الجروح /
والدقايق في ملاقاك .. اتعديّ ،
وقبل لا تصافح يدي وتقول : أروح ؟
/ يرتعش قلبي قبل رعشة يديّ

——

يا رب تغفر .. ما جنو والديني /
وتغفر لي ذنوبي وانا عبدك العاق ،
وعسى كتابي موضعه في يميني /
لا سقت لك والتفتّ الساق بالساق

——–

لحظة غياب الشمس لحظة تأملّ /
فالماضي الفايت وفالواقع الحيّ ،
اواه يا ليت الغياب .. ايتجملّ !! /
ويرجعّ البسمه على وجهي شويّ

——

ما هو كذا تجرح محاني ضنينك /
دقايق غيابك .. عن عيوني فراق ،
ما دام قلبي فوق راحة يمينك /
تراه في ذمة جروحك ليا ضاق

—–

تقصيـرنا دايم .. وللضيـق كيـهّ/
والعبد للمعبود خاضع ومحتاج،
أفضل دوا يغني عـن الصيدليهّ/
ذكر الله وما بعد ذكر الله عـلاج

———

كانك تقول إن المحبه لها حد /
آسف اذا حبي تعدى حدودي ،
معذور يا اللي تخلط المزح بالجد /
بكره بتدري ويش معنى وجودي

——

اسكتْ وتستغرب علي نشفة الريق /
حكي الموادع عسر ما ينحكى به ،
ويلي على آغمض عيوني ولا افيق /
( الا على وجه” ذبحني غيابه )

——

الوقت مشاني على جمرة غضى /
لكني آكابر وآجاهد وابتسم ،
يا خاطري خلك من اللي قد مضى /
ما راح ياتي غير ما ربك .. قسم

——

انا بشر .. مالي عن الذنب عاصم /
لا اخطيت سامحني عسى الله يخليك ،
الى متى وانا معك في مخاصم /
تراك تذبحني .. وانا ميت” فيك
———-

بين العيون .. وبين لمسة يمينك /
لي روح تضما لك ولي قلب تواق ،
مدري لمحت الشوق في طرف عينك /
ولا ايتهيّالي وانا كنت : مشتاق

—-

للشوق باب” ما لفوه المسايير /
وللحزن من بين المعاليق مرسى ،
يا الخاطر الملتاع تصبح على خير /
بكره مع الايام تكبر وتنسى

——–

دام المشاعر بحكم الشوق متحده /
مالي بغيرك ولا لك غير .. خفّاقي ،
ولو قالوا اختر بعمرك أمنيه وحده /
قلت إني أعيش جنبك عمري الباقي

———-

مع احترامي لك ولاسلوبك القمعي /
والله ما كان قلبي .. ناوي الفرقا ،
غلاك دمعه وطاحت يا سبب دمعي /
حاولت اردك لكن الدمع ما يرقا

اضف رد

لن يتم نشر البريد الإلكتروني . الحقول المطلوبة مشار لها بـ *

*